ఒకప్పుడు నెలకు కేవలం రూ.5 వేల జీతంతో చిన్న వెబ్ డెవలప్మెంట్ కంపెనీలో ఉద్యోగం ప్రారంభించిన యువకుడు, నేడు ఏడాదికి రూ.45 లక్షల ప్యాకేజీతో ప్రముఖ ఐటీ సంస్థలో ఉద్యోగం చేస్తున్నాడు. డిగ్రీ లేకపోయినా, కేవలం డిప్లొమాతో కెరీర్ ప్రారంభించి, తన నైపుణ్యాలను నిరంతరం పెంచుకుంటూ ఈ స్థాయికి చేరుకోవడం ఇప్పుడు సోషల్ మీడియాలో చర్చనీయాంశమైంది.
చిన్న ఉద్యోగంతో ప్రారంభం
ఇంటర్మీడియట్లో కామర్స్ చదివిన తర్వాత అతను కంప్యూటర్ సైన్స్ డిప్లొమాలో చేరాడు. కోర్సు పూర్తికాకముందే నెలకు రూ.5 వేల జీతంతో వెబ్ డెవలపర్గా ఉద్యోగం ప్రారంభించాడు. తక్కువ జీతాన్ని పట్టించుకోకుండా, అనుభవం సంపాదించడానికే ఎక్కువ ప్రాధాన్యం ఇచ్చాడు.
స్కిల్స్తో కెరీర్ గ్రోత్
వెబ్ డెవలప్మెంట్, ప్రోగ్రామింగ్, క్లయింట్ కమ్యూనికేషన్, ప్రాజెక్ట్ మేనేజ్మెంట్ వంటి నైపుణ్యాలను నేర్చుకుంటూ చిన్న కంపెనీల నుంచి పెద్ద అవకాశాల వైపు అడుగులు వేశాడు. ప్రతి ఉద్యోగ మార్పుతో జీతం కూడా పెరిగింది.
2021 నాటికి అతని నెల జీతం లక్ష రూపాయలు దాటింది. తర్వాత అనుభవం పెరగడంతో నెలకు రూ.1.8 లక్షలకు చేరుకుంది.
లేఆఫ్స్ తర్వాత కూడా వెనక్కి తగ్గలేదు
2025లో ఐటీ రంగంలో లేఆఫ్స్ ప్రభావంతో అతను ఉద్యోగాన్ని కోల్పోయాడు. అయితే అప్పటికే రూ.11 లక్షల సేవింగ్స్ ఉండటంతో ఆర్థిక ఒత్తిడి లేకుండా కొత్త అవకాశాల కోసం ప్రయత్నించాడు.
కొత్త నైపుణ్యాలు నేర్చుకొని ఇంటర్వ్యూలకు హాజరై చివరకు ఏడాదికి రూ.45 లక్షల ప్యాకేజీతో మరో ప్రముఖ కంపెనీలో ఉద్యోగం సంపాదించాడు.
అసలు ట్విస్ట్ ఇదే
ఇంతటి విజయం సాధించిన తర్వాత కూడా అతనికి ఒక అభద్రతా భావం వెంటాడుతోంది. దీనినే Impostor Syndrome అంటారు. తాను డిగ్రీ పూర్తి చేయలేదనే భావనతో ఎప్పుడూ ఇతరులతో పోల్చుకుంటూ ఉండేవాడు.
ఈ లోటును అధిగమించడానికి 2026లో IGNOUలో BCA కోర్సులో అడ్మిషన్ తీసుకున్నాడు. డిగ్రీ కోసం కాదు... జీవితాంతం నేర్చుకుంటూ ఉండాలనే ఉద్దేశంతో ఈ నిర్ణయం తీసుకున్నాడు.
రూ.70 లక్షల నెట్ వర్త్
అధిక జీతం వచ్చిన తర్వాత ఖర్చులు పెంచకుండా మ్యూచువల్ ఫండ్స్, ప్రావిడెంట్ ఫండ్, ఫిక్స్డ్ డిపాజిట్లలో పెట్టుబడులు పెట్టి దాదాపు రూ.70 లక్షల నెట్ వర్త్ నిర్మించుకున్నాడు.
Comment List