ఆపదలో ఆపన్నహస్తం....!!

ఆపదలో ఆపన్నహస్తం....!!

టీజీ కాబ్ మాజీ వైస్‌ చైర్మన్‌, ఉమ్మడి రంగారెడ్డి జిల్లా డీసీసీబీ మాజీ చైర్మన్‌ కొత్తకుర్మ సత్తయ్య కురుమ

రంగారెడ్డి జిల్లా, ఎల్బీనగర్, ఏప్రిల్ 09, న్యూస్ ఇండియా ప్రతినిధి: ఆపదలో ఉన్న వారికి అండగా నిలవడం నిజమైన మనుష్యత్వమని మరోసారి రుజువైంది. వేలకోట్ల ఆస్తులు ఉన్నా సహాయం చేయాలనే మనసు లేకపోతే ప్రయోజనం లేదని, కానీ కష్టాల్లో ఉన్న వారికి తోడుగా నిలవడమే గొప్పదనమని టీజీ కాబ్ మాజీ వైస్‌ చైర్మన్‌, ఉమ్మడి రంగారెడ్డి జిల్లా డీసీసీబీ మాజీ చైర్మన్‌ కొత్తకుర్మ సత్తయ్య కురుమ చాటిచెప్పారు. వివరాల్లోకి వెళితే… ఆపదలో ఉన్న తెలంగాణ ఉద్యమకారుడు నక్క జంగయ్య గౌడ్ కుటుంబానికి సత్తయ్య కురుమ ఆపన్నహస్తం అందించారు. జంగయ్య గౌడ్ కుమార్తె అనూష కాలేయ వ్యాధితో బాధపడుతుండగా, చికిత్స కోసం సుమారు రూ.80 లక్షల వరకు ఖర్చవుతుందని వైద్యులు సూచించినట్లు తెలిసింది. పేద కుటుంబానికి చెందిన జంగయ్య గౌడ్‌కు అంత భారీ ఖర్చు భరించే పరిస్థితి లేకపోవడంతో విషయం తెలుసుకున్న సత్తయ్య కురుమ వెంటనే స్పందించి రూ.25 వేల చెక్కును అందజేశారు. అంతేకాకుండా ప్రభుత్వం, ప్రజాప్రతినిధులతో మాట్లాడి చికిత్సకు అవసరమైన నిధులు సమకూరేలా కృషి చేస్తానని హామీ ఇచ్చారు. జంగయ్య గౌడ్ కుటుంబానికి సహాయం చేయదలిచిన వారు 9347096677 నంబర్‌ను సంప్రదించాలని సూచించారు. ఈ కార్యక్రమంలో తెలంగాణ ఉద్యమకారులు జెనిగె విష్ణువర్దన్‌, కొంతం యాదిరెడ్డి, కారింగుల నరేందర్ గౌడ్ తదితరులు పాల్గొన్నారు.