సెండ్ యువర్ ప్రొఫైల్… “మాచన”కు యు.ఎన్.ఓ సూచన..
హైదరాబాద్, మే 08, న్యూస్ ఇండియా ప్రతినిధి: టుబాకో కంట్రోల్ రంగంలో విశేష కృషి చేస్తున్న మాచన రఘునందన్కు మరో అరుదైన గౌరవం దక్కింది. ఈ నెల ప్రపంచ పొగాకు వ్యతిరేక దినోత్సవం సందర్భంగా యునైటెడ్ నేషన్స్ ఆర్గనైజేషన్ (యుఎన్ఓ) నుంచి “మీ ప్రొఫైల్ వివరాలను పంపించండి” అనే సూచన వచ్చినట్లు ఆయన తెలిపారు. ఇప్పటికే ప్రపంచ ఆరోగ్య సంస్థ (డబ్ల్యూ.హెచ్.ఓ) గుర్తింపు పొందిన రఘునందన్, గత 22 ఏళ్లుగా పొగాకు నియంత్రణ ఉద్యమంలో నిరంతరంగా పనిచేస్తున్నారు. తెలంగాణలోని పలు జిల్లాల్లో 500 గ్రామాలను సందర్శించి, దాదాపు 5 వేల కిలోమీటర్లు ప్రయాణించారు. గత ఐదేళ్లలో సుమారు 50 వేల మందికి పొగాకు ఉత్పత్తుల వల్ల కలిగే అనర్థాలపై అవగాహన కల్పించినట్లు చెప్పారు. పంజాబ్కు చెందిన “సైఫర్” సంస్థ మాచన రఘునందన్కు టుబాకో కంట్రోల్ హీరో అవార్డును ప్రదానం చేసింది. దేశవ్యాప్తంగా పొగాకు నియంత్రణ ఉద్యమంలో అలుపెరుగని కృషి చేస్తున్న వ్యక్తిగా ఆయనను యు ఎన్ ఓ, డబ్ల్యూ హెచ్ ఓ వర్గాలు ప్రశంసించాయి. టుబాకో నియంత్రణలో ఆయన చేపడుతున్న కార్యక్రమాలు మరెందరికో స్ఫూర్తిగా నిలుస్తున్నాయి.
About The Author
Comment List