తొర్రూరులోనే అత్యాధునిక లాప్రోస్కోపి శస్త్రచికిత్సలు నిర్మల హాస్పిటల్

మహబూబాబాద్ జిల్లా –

తొర్రూరు సెంటర్ -

తొర్రూరు పట్టణ ప్రజలకు ఆధునిక వైద్య సేవలను మరింత చేరువ చేస్తూ నిర్మల హాస్పిటల్ మరో కీలక ముందడుగు వేసింది. అత్యాధునిక లాప్రోస్కోపి శస్త్రచికిత్సలను అందుబాటులోకి తీసుకురావడానికి కూరపాటి అడ్వాన్స్ లాప్రోస్కోపిక్ సెంటర్‌తో నిర్మల హాస్పిటల్ ఒప్పందం కుదుర్చుకుంది.
ఈ భాగస్వామ్యంతో ఇకపై లాప్రోస్కోపి శస్త్రచికిత్సల కోసం రోగులు హైదరాబాద్, వరంగల్ వంటి దూర ప్రాంతాలకు వెళ్లాల్సిన అవసరం లేకుండా తొర్రూరులోనే అత్యుత్తమ వైద్య సేవలు పొందే అవకాశం కల్పించబడింది.
నూతన సాంకేతిక పరిజ్ఞానం, ఆధునిక పరికరాలు, అనుభవజ్ఞులైన నిపుణుల సేవలతో అన్ని రకాల లాప్రోస్కోపి చికిత్సలు అందుబాటులో ఉంటాయని ఆసుపత్రి యాజమాన్యం వెల్లడించింది. లాప్రోస్కోపి శస్త్రచికిత్సల వల్ల రోగులకు తక్కువ నొప్పి, చిన్న గాయాలు, త్వరితగతిన కోలుకునే అవకాశం ఉండటంతో పాటు ఆసుపత్రిలో ఉండే రోజుల సంఖ్య కూడా తగ్గుతుందని వైద్యులు తెలిపారు.
ప్రజల ఆరోగ్యమే ప్రధాన లక్ష్యంగా నిర్మల హాస్పిటల్ అత్యాధునిక వైద్య సేవలను అందించేందుకు కట్టుబడి ఉందని, భవిష్యత్తులో మరిన్ని ప్రత్యేక వైద్య సేవలను కూడా అందుబాటులోకి తీసుకురానున్నట్లు ఆసుపత్రి ప్రతినిధులు పేర్కొన్నారు.
ఈ నూతన సేవలతో తొర్రూరు మరియు పరిసర ప్రాంతాల ప్రజలకు నాణ్యమైన, అందుబాటు వైద్య సేవలు మరింత చేరువ కానున్నాయని స్థానికులు హర్షం వ్యక్తం చేస్తున్నారు.