*శారీరక మానసిక ఉల్లాసానికి క్రీడలు దోహదం*
*గ్రామీణ క్రీడాకారులను ప్రోత్సహిస్తాం*
*ఆరుట్ల సర్పంచ్ కొంగర విష్ణువర్ధన్ రెడ్డి*
ఎల్బీనగర్/ఇబ్రహీంపట్నం, జనవరి28 (న్యూస్ ఇండియా తెలుగు):మానసిక ఆనందానికి శారీరక ఉల్లాసానికి క్రీడలు దోహదం చేస్తాయని ఆరుట్ల సర్పంచ్ కొంగర విష్ణువర్ధన్ రెడ్డి అన్నారు
ఆరుట్ల గ్రామ పరిధిలోని బుగ్గతండాలో నిర్వహించిన క్రికెట్ టోర్నమెంట్ లో విజేతలుగా నిలిచిన జట్లకు బహుమతుల ప్రధానోత్సవ కార్యక్రమానికి ముఖ్య అతిథిగా హాజరైన ఆయన మాట్లాడుతూ మట్టిలో ఉన్న మాణిక్యాలను వెలికి తీసేందుకు గ్రామీణ క్రీడాకారులను ప్రోత్సహిస్తామని ఆయన అన్నారు.యువత క్రీడల్లో రాణించి ఉన్నత స్థానాలకు చేరాలని యువతకు సూచించారు. యువతకు చదువులతో పాటు క్రీడలు కూడా ముఖ్యమే అన్నారు. ఇలాంటి క్రీడలు నిర్వహించడం వల్ల యువతలోని వైపున్యాలను బయటకు తీయవచ్చని తెలిపారు. గెలుపోటములు ఆటలో సహజం అన్నారు. ఎప్పుడు కూడా ఆటల,పోటీలలో ఓటమిని కూడా గెలుపుగా స్వీకరించాలని యువతకు సూచించారు. యువత అన్ని రంగాల్లో అభివృద్ధి చేసేందుకు నిరంతరం కృషి చేస్తానని తెలిపారు. యువకులంతా కలిసికట్టుగా ఉంటేనే గ్రామాలు అభివృద్ధి చెందుతాయని అన్నారు.ఈ కార్యక్రమంలో ఆరుట్ల ఎంపీటీసీ కావలి శ్రీనివాస్ గుడ్డిమల్ల చంద్రయ్య మార సురేష్ పున్నం రాము జానీపాషా చిందం ఐలయ్య టోర్నమెంట్ నిర్వాహకులు కాట్రోత్ వెంకటేష్ సపవట్ వినోద్ ప్రవీణ్ మోహన్ శ్రీకాంత్ సపవట్ గణేష్ ఉదయ్ తదితరులు పాల్గొన్నారు
About The Author
Comment List