పొంగులేటి పై ఈడీ దాడులను ఖండిస్తున్నాం

కొత్తగూడెం (న్యూస్ ఇండియా) సెప్టెంబర్ 28: రాష్ట్ర రెవెన్యూ, గృహ నిర్మాణ శాఖ మంత్రి పొంగులేటి శ్రీనివాస్ రెడ్డి ,ఆయన  కుటుంబంపై ఈడి దాడులను పూర్తిగా ఖండిస్తూ కొత్తగూడెం పొంగులేటి క్యాంపు కార్యాలయంలో కాంగ్రెస్ నాయకులు శనివారం విలేకరుల సమావేశం ఏర్పాటు చేశారు. ఈ సందర్భంగా వారు మాట్లాడుతూ.. ప్రజలకు సేవ చేస్తూన కాంగ్రెస్ ప్రభుత్వ 9 నెలల పాలనను జీర్ణించుకోలేక కేంద్రంలోని బిజెపి ప్రభుత్వం కుట్ర పూరితంగా ఈడి దాడులు చేపిస్తుందని అన్నారు. నాలుగు రాష్ట్రాల్లో జరుగన్న ఎన్నికలను దృష్టిలో పెట్టుకొని ఈ దాడులు జరుగుతున్నాయని అన్నారు. ఎన్డీఏ ప్రభుత్వం 2014 నుంచి 14 సంవత్సరాలుగా ఈడిని కక్ష పూరితంగా ఉసిగొల్పుతుంది అన్నారు. 25 సంవత్సరాలుగా ప్రముఖ కాంట్రాక్టర్ గా మంత్రి పొంగులేటి శ్రీనివాస్ రెడ్డి ఉన్నారన్నారు. ఈ దాడులను ప్రజాస్వామ్య వాదులందరూ ముక్త కంఠంతో ఖండించాలి అన్నారు. ఈ కార్యక్రమంలో మాజీ జిల్లా పరిషత్ చైర్మన్ కంచర్ల చంద్రశేఖర రావు, కాంగ్రెస్ నాయకులు తుమూ చౌదరి, నాగేంద్ర త్రివేది, మేరెడ్డి జనార్దన్ రెడ్డి,మండే వీర హనుమంతరావు, తోట దేవి ప్రసన్న, పీతాంబరం,చీకటి కార్తీక్ తదితరులు పాల్గొన్నారు.