డిసెంబర్ 6న కవితను అరెస్ట్ చేస్తారా?

లిక్కర్ కేసులో కల్వకుంట్ల కవితకు సీబీఐ నోటీసుులు

ఢిల్లీ లిక్కర్ కేసులో డొంక కదులుతోంది. ఎమ్మెల్సీ కల్వకుంట్ల కవితకు సీబీఐ నోటీసులు ఇచ్చింది.

లిక్కర్ స్కామ్ కేసులో సీబీఐ కవితను ప్రశ్నించనుంది. లిక్కర్ స్కామ్లో వివరణ ఇవ్వాలని 160 సీఆర్‌పీసీ కింద కవితకు సీబీఐ నోటీసులు ఇచ్చింది.

విచారణకు ఢిల్లీ, హైదరాబాద్లో ఎక్కడైనా హాజరుకావచ్చని నోటీసుల్లో అధికారులు పేర్కొన్నారు. డిసెంబర్ 6న హైదరాబాద్లో సీబీఐ విచారణకు కవిత హాజరుకానున్నారు.

అయితే డిసెంబర్ 6న తన నివాసం దగ్గరే వివరణ ఇస్తానని టీఆర్ఎస్ ఎమ్మెల్సీ కవిత చెప్పడం ప్రస్తుతం సోషల్ మీడియాలో వైరల్‌గా మారింది.

ఢిల్లీ సీబీఐ కార్యాలయం నుంచి కవితకు నోటీసులు జారీ చేశారు. లిక్కర్ స్కామ్లో వివరణ ఇవ్వాలని 160 సీఆర్‌పీసీ కింద సీబీఐ నోటీసులు పంపించింది. ఢిల్లీ, హైదరాబాద్లో ఎక్కడైనా హాజరుకావచ్చని నోటీసుల్లో సీబీఐ అధికారులు పేర్కొన్నారు.

సీబీఐ ప్రత్యేక కోర్టుకు సమర్పించిన ఓ రిమాండ్‌ రిపోర్ట్‌లో కవిత రోల్‌ ఏమిటి? ఆమెతో పాటు తెలుగు రాష్ట్రాలకు చెందిన అరబిందో ఫార్మా డైరెక్టర్‌ శరత్‌చంద్రారెడ్డి, ఎంపీ మాగుంట శ్రీనివాసులు రెడ్డి ఏం చేశారు? ఆప్‌ నేతలకు రూ. 100 కోట్ల ముడుపులను ఎవరు ఇచ్చారు? ఎలా లబ్ధి పొందారు? అనే విషయాలను కోర్టుకు వివరించారు.

కవితతోపాటు శరత్‌ చంద్రారెడ్డి, మాగుంట, మనీశ్‌సిసోడియా.. ఇలా మొత్తం 38 మంది సుమారు 170 ఫోన్లను మార్చారని.. ఆ తర్వాత ఆ ఫోన్లను ధ్వంసం చేశారని, అలా ధ్వంసం చేసిన డివైజ్‌ల విలువ రూ.1.30 కోట్లు ఉంటుందని ఈడీ స్పష్టం చేసింది.

ఈ కేసులో మద్యం వ్యాపారి, మనీశ్‌సిసోడియా కుడిభుజంగా చెప్పే అమిత్‌ అరోరాను ఈడీ బుధవారం అరెస్టు చేసి, సీబీఐ ప్రత్యేక న్యాయమూర్తి ఎంకే నాగ్‌పాల్‌ ఎదుట హాజరుపరిచింది. మున్ముందు తెలంగాణలో రాజకీయం మరింత రసవత్తరంగా మారనుంది.