మద్యంతో జరిగే దుష్పరిణామాలపై అన్నీ ఇన్నీ కావు. మద్యానికి బానిసైన తన కుమారుడి ప్రాణాలు కాపాడుకోలేకపోయానంటూ ఓ కార్యక్రమంలో కేంద్రమంత్రి కౌషల్ కిషోర్ కంటతడి పెట్టారు.
తాను ఎంపీగా ఉన్నప్పుడు తన భార్య ఎమ్మెల్యేగా ఉండేదని, అయినప్పటికీ సొంత కొడుకుని కాపాడుకోలేకపోయామని, అలాంటప్పుడు సామాన్యుడి పరిస్థితి ఏంటని అన్నారు.
తన కుమారుడు ఆకాష్ కిషోర్కు ఫ్రెండ్స్తో కలిసి మందు తాగే అలవాటు ఉందని ఆ అలవాటు మానుతాడనే ఆశతో డి-అడిక్షన్ సెంటర్లో చేర్చామని చెప్పారు.
ఆరు నెలల తర్వాత వివాహం కూడా చేశాం. అయితే, పెళ్లి తర్వాత మళ్లీ మందుతాగడం మొదలుపెట్టాడు. దురదష్టవశాత్తూ తాగుడు వల్లే ప్రాణాలు కోల్పోయాడు.
రెండేళ్ల క్రితం అక్టోబర్ 19న నా కొడుకు కాలం చేసేనాటికి అతనికి రెండేళ్ల పిల్లవాడు ఉన్నాడు” అని కౌషల్ కిషోర్ చెప్పారు.
తన కొడుకును కాపాడుకోలేకపోయాయని, కోడలుకు వైధవ్యం వచ్చిందని ఆవేదన వ్యక్తం చేశాడు.
ఇలాంటి దురదృష్టకర పరిస్థితి రాకుండా మీ కూతుళ్లు, అక్కాచెల్లెళ్లను కాపాడుకోవాలని కార్యక్రమనికి హాజరైన వారికి ఆయన సూచించారు.
-(1).jpg)
Comment List