కొత్తగూడెం (న్యూస్ ఇండియా నరేష్)డిసెంబర్ 20: APGVB సేవలు ఈనెల 28 నుంచి 31 వరకు నాలుగు రోజులు బ్యాంకు లావాదేవీలు రద్దు చేస్తున్నట్లుగా రీజనల్ మేనేజర్ ముక్తాపురం ఉదయ్ శుక్రవారం ఏర్పాటు చేసిన విలేకరుల సమావేశంలో తెలిపారు. ఈ సందర్భంగా వారు మాట్లాడుతూ ఏపీజీవీబీ బ్యాంకును తెలంగాణ గ్రామీణ బ్యాంకులో విలీనం చేస్తున్నట్లుగా తెలిపారు. తెలంగాణలోని 493 ఏపీజీవిబి శాఖలను తెలంగాణ గ్రామీణ బ్యాంకు (TGB) లో విలీనం చేస్తున్నట్టుగా తెలిపారు. కావున యూపీఐ, ఏటీఎం, మొబైల్ బ్యాంకింగ్, ఇంటర్నెట్ బ్యాంకింగ్, మొదలగు సేవలు అందుబాటులో ఉండవని తెలిపారు. ఏపీజీవిబీ ఖాతాదారులు ఎవరైనా ఈనెల 27 తేదీ వరకు సేవలు ఉపయోగించుకోవచ్చు అన్నారు. 1-1- 2025 నుంచి తెలంగాణ గ్రామీణ బ్యాంక్ పేరుతో తిరిగి సేవలు కొనసాగుతాయని తెలిపారు. ఈ కార్యక్రమంలో సీనియర్ మేనేజర్ సుధీర్ పాల్గొన్నారు.
.jpg)
Comment List