జనగామ జిల్లా పాలకుర్తి మండలం దర్దేపల్లీ గ్రామం లో

*జనగామ జిల్లా పాలకుర్తి మండలం దర్దేపల్లి గ్రామంలో రైతు కుటుంబాన్ని పరామర్శించిన పాలకుర్తి నియోజకవర్గం ఎమ్మెల్యే యశస్విని రెడ్డి**
న్యూస్ ఇండియా తెలుగు, పాలకుర్తి నియోజకవర్గం ప్రతినిధి: ఘణపురం రంజిత్ కుమార్, 
జనవరి 30,
పాలకుర్తి మండలం దర్దేపల్లి గ్రామానికి చెందిన నిమ్మల యాకయ్య గారు పంట పెట్టుబడుల కోసం అప్పు చేసి, ఆ అప్పును తీర్చలేక ఇటీవల ఆత్మహత్య చేసుకున్న విషయం దురదృష్టకరం. ఈ విషాదకర సంఘటనపై స్పందించిన పాలకుర్తి శాసనసభ్యురాలు శ్రీమతి యశస్విని ఝాన్సీ రెడ్డి గారు, తెలంగాణ రాష్ట్ర రైతు కమిషన్ చైర్మన్ కోదండ రెడ్డి గారు, భూభారతి రూపకర్త భూమి సునీల్ గారు, యాకయ్య గారి నివాసానికి వెళ్లి, వారి కుటుంబ సభ్యులను పరామర్శించారు..
ఈ సందర్భంగా, వారు యాకయ్య గారి కుటుంబానికి సానుభూతి తెలియజేసి, ప్రభుత్వం నుండి అందుబాటులో ఉన్న సహాయాలను అందించేందుకు కృషి చేస్తామని హామీ ఇచ్చారు. రైతులు ఇలాంటి పరిస్థితులను ఎదుర్కొనకుండా ఉండేందుకు, భూ చట్టాలపై అవగాహన పెంపొందించడం, రైతులకు ఆర్థిక సహాయం మరియు మద్దతు అందించడం వంటి చర్యలను తీసుకోవాల్సిన అవసరాన్ని వారు గుర్తు చేశారు..
ఈ పరామర్శ కార్యక్రమంలో స్థానిక నాయకులు, గ్రామ ప్రజలు పాల్గొన్నారు. రైతుల సమస్యలను పరిష్కరించేందుకు ప్రభుత్వం కట్టుబడి ఉందని, ఇలాంటి సంఘటనలు పునరావృతం కాకుండా ఉండేందుకు అవసరమైన చర్యలు తీసుకుంటామని వారు తెలిపారు..