స్కిల్ స్కాంలో తవ్వేకొద్దీ అక్రమాలు బయటపడుతున్నాయి. చంద్రబాబుతోపాటు లోకేశ్ కు ముడుపులు ముట్టినట్లు సీఐడీ తేల్చింది. బాబు రిమాండ్ రిపోర్టులో చినబాబు పేరు ఉండటం దీనికి నిదర్శనం. తండ్రీ కొడుకులు ప్రజల సొమ్మును అప్పన్నంగా దోచేసుకున్న తీరును పూసగుచ్చినట్లు పేర్కొంది.
ఫేక్ ఇన్ వాయిస్ ల ద్వారా లోకేశ్ సన్నిహితుడి ఖాతాల్లోకి నిధుల్ని తరలించి..దోచేసుకున్నారు. ఇప్పటికే చంద్రబాబుకు తన వ్యక్తిగత కార్యదర్శి, పెండ్యాల శ్రీనివాస్ ద్వారా ముడుపులు అందిన ఈ కుంభ కోణంపై ఈడీ కూడా విచారిస్తోంది. ఈ కేసులో మనోజ్ వాసుదేవ్, పెండ్యాల శ్రీనివాస్ కు నోటీసులు ఇస్తే తమ బండారం బయటపడిందనే కారణంతో చంద్రబాబును కాపాడేందుకు వాళ్లు విదేశాలకు పారిపోయారు. చంద్రబాబును విచారిస్తే ఇంకా ఎన్ని స్కాంలు బయటపడతాయో అని ప్రజలు చర్చించుకుంటున్నారు.
Comment List