పోటాపోటీగా కొనసాగుతున్న క్రికెట్ పోటీలు

కొత్తగూడెం (న్యూస్ ఇండియా నరేష్ నవంబర్ 9: డాక్టర్ బి.ఎస్.రావు క్రికెట్ టోర్నమెంట్ రెండో రోజు కొత్తగూడెం ప్రకాశం స్టేడియంలో పోటా పోటీగా క్రికెట్ మ్యాచ్ లు కొనసాగాయి. మొదటి మ్యాచ్ మీడియా-2 జట్టు మరియు ఉపాధ్యాయుల జట్టు మధ్య మ్యాచ్ కొనసాగింది. మీడియా-2 జట్టు నిర్ణీత 20 ఓవర్లలో 109/7 పరుగులు సాధించి ,110 పరుగుల విజయ లక్ష్యాన్ని ఉపాధ్యాయుల జట్టు ముందు ఉంచింది. ఉపాధ్యాయల జట్టు 113/3 పరుగులు సాధించి సునాయాస విజయాన్ని సొంతం చేసుకుంది. మీడియా-2 జట్టు నుంచి హనుమ (35), దశరథ్ (31) పరుగులు సాధించారు. ఉపాధ్యాయ జట్టు నుంచి రామకృష్ణ (45), శోభన్(43) పరుగులు సాధించి జట్టుకు విజయని అందించారు. అనంతరం రెండో మ్యాచ్లో చాతకొండ బెటాలియన్-6 జట్టు మరియు ఉపాధ్యాయుల జట్లు తలపడ్డాయి. మొదట బ్యాటింగ్ ఎంచుకున్న బెటాలియన్ జట్టు నిర్ణీత 20 ఓవర్లు ముగిసే సమయానికి 164/6 పరుగులు సాధించింది.165 పరుగుల విజయ లక్ష్యాన్ని ఉపాధ్యాయల జట్టు ముందు ఉంచింది. అనంతరం బ్యాటింగ్ దిగిన ఉపాధ్యాయల జట్టు158/4 పరుగులతో నువ్వా నేనా అన్నట్లు బ్యాటింగ్ చేసి అనవసరమైన పరుగుల కోసం ప్రయత్నం చేసి, 7 పరుగుల తేడాతో ఓటమి చవిచూసింది. బెటాలియన్ జట్టు తరఫున రామ్ బ్రహ్మం( కెప్టెన్)-50,గణేష్ (40) పరుగులు సాధించి బెటాలియన్ జట్టుకు మంచి స్కోర్ను అందించారు. ఉపాధ్యాయల జట్టు నుంచి రామకృష్ణ (53), నరేష్ (31) పరుగులు సాధించి మంచి తోడ్పాటునందించిన గాని ఓటమి చవిచూసింది.