ప్రభుత్వ భూములను పరిరక్షించాలి: కలెక్టర్ శశాంక.

ప్రభుత్వ భూములను పరిరక్షించాలి: కలెక్టర్ శశాంక..

రంగారెడ్డి, ఆగస్ట్ 08 (న్యూస్ ఇండియా ప్రతినిధి): బుధవారం లేఅవుట్ రూల్స్ రెగ్యులరైజేషన్, 2020 - అన్ని ULBలలో LRS అప్లికేషన్‌ల ప్రాసెసింగ్ పై జిల్లా కలెక్టర్ శశాంక సంబంధిత ఆర్డీఓలు, మున్సిపల్ కమిషనర్లు, ఇరిగేషన్ అధికారులతో సమావేశం

నిర్వహించారు. ఈ సందర్బంగా కలెక్టర్ మాట్లాడుతూ.. G.O.Ms.No.131, MA&UD (P3) డిపార్ట్‌మెంట్ 31 ఆగస్ట్ 2020 2. G.O.Ms.No.135, MA&UD (P3) డిపార్ట్‌మెంట్ 16 సెప్టెంబర్ 2020 ప్రభుత్వ ఉత్తర్వులలో పేర్కొన్న విధంగా క్రమబద్ధీకరణ ఛార్జీల చెల్లింపుపై అనధికారిక ప్లాట్లు/ లేఅవుట్‌ల క్రమబద్ధీకరణ కోసం జారీ చేసిన విధానం పై మున్సిపల్ అధికారులతో చర్చించారు. LRS అప్లికేషన్ ప్రక్రియను సరళీకృతం చేయడానికి, క్రమబద్ధీకరించడానికి CGG ద్వారా పారదర్శక ఆన్‌లైన్ సాధనం రూపొందించాలన్నారు. ప్రభుత్వ భూములు మొదలైన వాటిలో ప్లాట్లు / లేఅవుట్‌ల క్రమబద్ధీకరణ మార్గదర్శకాలు పైన మున్సిపల్ అధికారులు, రెవెన్యూ అధికారులు, ఇరిగేషన్ అధికారులు సమిష్టిగా  కార్యచరణ రూపొందించుకోని పని చేయాలన్నారు. హెచ్ఎండీఏ పరిధిలో  ఉన్న లేఅవుట్ల  క్రమబద్ధీకరణ మున్సిపల్ కమీషన్లరకు, మున్సిపల్ పరిధిలో లేనివి జిల్లా కలెక్టర్ పరిధిలోకి వస్తాయన్నారు. ఎల్‌ఆర్‌ఎస్ లో ప్లాట్ క్రమబద్ధీకరణకు మూడు స్థాయిల పరిశీలనలు చేయాలన్నారు. అందులో భాగంగా లేఅవుట్ క్రమబద్ధీకరణకు కావాల్సివి నాలుగు అంచెలు ఉంటాయన్నారు.  స్థాయి-0: CGG ద్వారా సిస్టమ్ బేసుడు ఫిల్టరైజేషన్, లెవెల్-1: మల్టీడిసిప్లినరీ టీమ్‌ల ద్వారా ఫీల్డ్ వెరిఫికేషన్,  స్థాయి-2: CPO/TPO (సెక్షన్ హెడ్) / DPO,   స్థాయి-3: మున్సిపల్ కమీషనర్, వైస్ ఛాన్స్లర్,  అర్బన్ డవలప్ మెంట్ అథారిటీ, కలెక్టర్ లోకల్ బాడీస్ ద్వారా ఆమోదించబడుతాయని తెలిపారు. ఎల్‌ఆర్‌ఎస్ దరఖాస్తుల పరిశీలనకు రెవెన్యూ, ఇరిగేషన్, మున్సిపల్ అధికారులతో కూడిన మల్టీ డిసిప్లినరీ బృందాలను ఏర్పాటు చేయాలని అన్నారు. ఈ సమావేశంలో జిల్లా అదనపు కలెక్టర్లు ప్రతిమ సింగ్, భూపాల్ రెడ్డి, డిపిఓ సురేష్ మోహన్, ఆర్డీఓలు సూరజ్ కుమార్, అనంత రెడ్డి, వెంకట్ రెడ్డి, సాయిరాం, వేణుమాధవ్, తహశీల్దారులు, ఇరిగేషన్ అధికారులు, మున్సిపల్ కమిషనర్లు, సంబంధిత అధికారులు,  తదితరులు పాల్గొన్నారు.