KCR Fire on Modi : వికారాబాద్లో పర్యటించిన సీఎం కేసీఆర్ పలు అభివృద్ధి పనులకు శ్రీకారం చుట్టారు. హైదరాబాద్ నుంచి హెలికాప్టర్లో వికారాబాద్ చేరుకున్న కేసీఆర్కు… మొదట టీఆర్ఎస్ జిల్లా పార్టీ కార్యాలయాన్ని ప్రారంభించారు. ఆక్కడి నుండి ఎన్నేపల్లి శివారుకు వెళ్లి 61 కోట్ల వ్యయంతో నిర్మించిన కలెక్టరేట్ కాంప్లెక్స్ను ప్రారంభించారు. అదే ప్రాంగణంలో జిల్లాకు మంజూరైన ప్రభుత్వ వైద్య కళాశాల నిర్మాణ పనులకు శంకుస్థాపన చేశారు.
అనంతరం జరిగిన బహిరంగ సభలో కేసీఆర్ ప్రసంగిస్తూ ప్రధాని మోదీ ఈ ఎనిమిదేళ్లలో ఏం ఉద్ధరించారని కేసీఆర్ ప్రశ్నించారు. బీజేపీపై, ప్రధాని మోదీపై తీవ్ర స్థాయిలో ధ్వజమెత్తారు. బీజేపీ జెండాను చూసి మోసపోతే.. శఠగోపం తప్పదని హెచ్చరించారు. ఆ జెండాను పట్టుకుంటే మళ్లీ పాతకథే వస్తుందన్నారు. మళ్లీ పరిస్థితులు దిగజారకుండా, వారి రాజకీయ స్వార్థాలకు బలికాకుండా ఈ తెలంగాణను కాపాడుకోవాల్సిన అవసరం ఉందని కేసీఆర్ స్పష్టం చేశారు.
Comment List