జిల్లాలో బాలికల, విద్యార్థినిల, మహిళల కు ‘సంగారెడ్డి జిల్లా పోలీసు షీ-టీమ్స్ రక్షణ’.

సంగారెడ్డి జిల్లా, బ్యూరో చీఫ్, మే 10, న్యూస్ ఇండియా : సంగారెడ్డి జిల్లా వ్యాప్తంగా సబ్-డివిజన్ల వారీగా షీ టీమ్స్ బృందాలు ఉన్నాయని, నిరంతరం ప్రజలకు అందుబాటులో ఉంటూ, స్కూల్స్, కళాశాలు మరియు బస్ స్టాండ్ వంటి తదితర రద్దీ ప్రాంతాలలో గస్తీ కాస్తూ.. ఆకతాయిలకు చెక్ పెట్టడం జరుగుతుంది జిల్లా ఎస్పీ పరితోష్ పంకజ్ ఐపిఎస్ అన్నారు. ఈ సందర్భంగా జిల్లా పోలీసు కార్యాలయంలో షీ టీం బృందాలతో జిల్లా ఎస్పీ మాట్లాడుతూ... షీ-టీమ్ కంప్లైంట్స్ ‘క్యూఅర్ కోడ్’ స్కానర్ గురించి అవగాహన కల్పించడం జరుగుతుందన్నారు. ఈ ‘క్యూఅర్ కోడ్’ కోడ్ ను వినియోగించి, ఆన్లైన్ ద్వారా ఎక్కడి నుండైన పిర్యాదు చేసేందుకు అనుకూలంగా ఉంటుంది అన్నారు. ఈ షీ-టీమ్ కంప్లైంట్ ‘క్యూఅర్ కోడ్’ స్కానర్ పోస్టర్లను జిల్లాలోని బస్సులలో, బస్ స్టాండ్ లలో, సినిమా హల్లు, స్కూల్స్, కళాశాలలు, ఇతర రద్దీ ప్రాంతాలలో అతికించబడి ఉంటాయని ఎవరైనా మహిళలు వేధింపులకు గురైనట్లైతే ఈ ‘క్యూఅర్ కోడ్’ ను స్కాన్ చేయడం ద్వారా లింక్ లో గాని ఫిర్యాది పేరు, లొకేషన్ తదితర వివరాలను పూరించి సబ్మిట్ చేయగానే షీ-టీమ్ విభాగానికి చేరుతుంది. తద్వారా త్వరిత గతిన స్పందహించడం జరుగుతుందని అన్నారు. జిల్లాలో మహిళలు ఎలాంటి వేధింపులకు గురైన జిల్లా షీ-టీం నెంబర్ 8712656772 కు కాల్ చేసి గాని, వాట్స్ ఆప్ ద్వారా గాని, ‘క్యూఅర్ కోడ్’ స్కాన్ చేసి గాని ఫిర్యాదు చేయవచ్చు అన్నారు. ఫిర్యాది వివరాలు గోప్యంగా ఉంచబడతాయని మహిళలు ఈ అవకాశాన్ని సద్వినియోగం చేసుకోవాలసిందిగా జిల్లా ఎస్పీ సూచించారు.